 |
| देवकृत् गणेश स्तवन स्तोत्र |
देवकृत् गणेश स्तवन स्तोत्र Dev Krit Ganesh Stavan Strotram
।। श्री गणेश स्तवन स्तोत्र ।।
देवा ऊचुः
गजाननाय पूर्णाय साङ्ख्यरूपमयाय ते।
विदेहेन च सर्वत्र संस्थिताय नमो नमः ॥१॥
अमेयाय च हेरम्ब परशुधारकाय ते।
मूषकवाहनायैव विश्वेशाय नमो नमः ॥ २॥
अनन्तविभवायैव परेषां पररूपिणे ।
शिवपुत्राय देवाय गुहाग्रजाय ते नमः ।।३।।
पार्वतीनन्दनायैव देवानां पालकाय ते।
सर्वेषां पूज्यदेहाय गणेशाय नमो नमः ॥ ४॥
स्वानन्दवासिने तुभ्यं शिवस्य कुलदैवत ।
विष्ण्वादीनां विशेषेण कुलदेवाय ते नमः ॥५॥
योगाकाराय सर्वेषां योगशान्तिप्रदाय च।
ब्रह्मेशाय नमस्तुभ्यं ब्रह्मभूतप्रदाय ते ॥ ६ ॥
सिद्धिबुद्धिपते नाथ सिद्धिबुद्धिप्रदायिने ।
मायिने मायिकेभ्यश्च मोहदाय नमो नमः ॥ ७ ॥
लम्बोदराय वै तुभ्यं सर्वोदरगताय च।
अमायिने च मायाया आधाराय नमो नमः ॥ ८ ॥
गजः सर्वस्य बीजं यत्तेन चिह्नेन विघ्नप।
योगिनस्त्वां प्रजानन्ति तदाकारा भवन्ति ते ॥ ९ ॥
तेन त्वं गजवक्त्रश्च किं स्तुमस्त्वां गजानन ।
वेदादयो विकुण्ठाश्च शङ्कराद्याश्च देवपाः ॥ १०॥
शुक्रादयश्च शेषाद्याः स्तोतुं शक्ता भवन्ति न ।
तथापि संस्तुतोऽसि त्वं स्फूत्या त्वद्दर्शनात्मना ॥ ११॥
।। इति श्रीमुद्गलपुराणे देवकृतं श्रीगणेशस्तवनं सम्पूर्णम् ॥
ये भी पढ़ें -
Shri Gajanan Stotram with Lyrics | श्री गजानन स्तोत्रम्
