 |
| म्हारी भंवरावाली मईया म्हारे मन बसगी लिरिक्स |
म्हारी भंवरावाली मईया म्हारे मन बसगी लिरिक्स -
।। जीण माता भजन ।।
म्हारी भंवरावाली मईया म्हारे मन बसगी,
नवराते में आवां मईया म्हारे जचगी ।
गोरिया में मईया थारो मंदिर विशाल है,
काणा में तो कुंडल सोवे, माथे बिंदिया लाल है,
नाक में या नथ थारी म्हारे जचगी,
नवराते में आवां मईया म्हारे जचगी ।
रोली-मोली काजल म्हारी मईया के चढावांगा,
जीण माँ के मन्दिरिये में धौंक लगावांगा
रोम रोम में मईया म्हारे मन बसगी,
नवराते में आवां मईया म्हारे जचगी ।
लाल सुरंगी चुनड मईया, बीच तारा रो जाल है,
हांथां में है बाजूबंद, कब्जो सोहे लाल है,
जीण जयंती माता म्हारे मन बसगी,
नवराते में आवां मईया म्हारे जचगी ।
भंवरावाली मईया म्हे तो गुण थारा गावांगा,
लेकर के निशान मईया मंदिर थारे आवांगा,
महावीर गुण गावे मईया मन बसगी,
नवराते में आवां मईया म्हारे जचगी ।
म्हारी भंवरावाली मईया म्हारे मन बसगी,
नवराते में आवां मईया म्हारे जचगी ।