श्री वेङ्कटेशस्तोत्रम् लिरिक्स (Shri Venkatesha Stotram Lyrics)

श्री वेङ्कटेशस्तोत्रम् लिरिक्स

'श्री वेंकटेश्वर स्तोत्रम' श्री वेंकटेश्वर स्वामी को समर्पित एक लोकप्रिय प्रार्थना है, जो मंदिर शहर तिरुपति में स्थित तिरुमाला मंदिर के पीठासीन देवता हैं। इसकी रचना 15वीं सदी की शुरुआत में प्रतिवादी भयमकरम अन्नान ने की थी। वह प्रसिद्ध वैष्णव आचार्य, मनावला मामुनि के शिष्य थे और उनके द्वारा 'श्री वैष्णव दासन' नाम से दीक्षा ली गई थी।

श्री वेङ्कटेशस्तोत्रम् लिरिक्स -

कमलाकुचचूचुक कुङ्कुमतो नियतारुणितातुलनीलतनो ।

कमलायतलोचन लोकपते विजयी भव वेङ्कटशैलपते ॥

सचतुर्मुखषण्मुखपंचमुखप्रमुखाखिलदैवतमौलिमणे ।

शरणागतवत्सल सारनिधे परिपालय मां वृषशैलपते ॥

अतिवेलतया तव दुर्विषहै रनुवेलकृतैरपराधशतै।

भरितं त्वरितं वृषशैलपते परया कृपया परिपाहि हरे ॥

अधिवेङ्कटशैलमुदारमतेजनताभिमताधिकदानरतात् ।

परदेवतया गदितान्निगमैः कमलादयितान्न परं कलये ॥

कलवेणुरवावशगोपवधू शतकोटिवृतात्स्मरकोटिसमात् ।

प्रतिपल्लविकाभिमतात्सुखदात् वसुदेवसुतान्न परं कलये ॥

अभिरामगुणाकर दाशरथे जगदेकधनुर्धर धीरमते ।

रघुनायक राम रमेश विभो वरदो भव देव दयाजलधे ॥

अवनीतनयाकमनीयकरं रजनीकरचारुमुखाम्बुरुहम् ।

रजनीचरराजतमोमिहिरं महनीयमहं रघुराममये ॥

सुमुखं सुहृदं सुलभं सुखदं स्वनुजं च सुकायममोघशरम् ।

अपहाय रघूद्वहमन्यमहं न कथञ्चन कञ्चन जातु भजे ॥

विना वेङ्कटेशं न नाथो न नाथः सदा वेङ्कटेशं स्मरामि स्मरामि ।

हरे वेङ्कटेश ! प्रसीद प्रसीद प्रियं वेङ्कटेश प्रयच्छ प्रयच्छ ॥

अहं दूरतस्ते पदाम्भोजयुग्मप्रणामेच्छयाऽऽगत्य सेवां करोमि ।

सकृत्सेवया नित्यसेवाफलं त्वं प्रयच्छ प्रयच्छ प्रभो वेङ्कटेश ॥

अज्ञानिना मया दोषानशेषान् विहितान् हरे ।

क्षमस्व त्वं क्षमस्व त्वं शेषशैलशिखामणे ॥

अज्ञानिना मया दोषानशेषान् विहितान् हरे ।

क्षमस्व त्वं क्षमस्व त्वं शेषशैलशिखामणे ॥

॥ इति श्री वेङ्कटेश स्तोत्रं सम्पूर्णम् ॥

◾  श्री वेंकटेश अष्टोत्तर शतनामावली

वीडियो: श्रीवेङ्कटेशस्तोत्रम् (संस्कृत) Shri Venkatesh Stotra | श्री व्यंकटेश स्तोत्र

Song: Sri Venkatesha Stotram

Vocals: Shree Naval Kishori

Music: Ashwin Trivedi