बीरा म्हारा रामदेव भजन लिरिक्स (Bira Mara Ramdev Bhajan Lyrics)
बीरा मारा रामदेव,
राणी नेतल रा भरतार,
बाई सुगना री विनती,
ऐ बीरा एक बार लेवण आय,
ऐ कर लेवण आवजयो,
थारी बेनड करे पुकार।
अळगी घाणी परणाई वो बीरा जी,
ली नहीं साल संभाल,
जिव अमुजे उण्डी ओरिया में,
अठे पड़े रे काल पर काल,
ओ बीरा रामदेव रे,
बाई ने एकर लेवण आ,
अळगो बाई रो सांसरो रे,
ओ बीरा रे माता मिलन रो चाह….
बेटी ने तो नुचु रेवे, बूढ़ा मायर बाप,
अलगो लगन, लिखायो रे जोशी जी,
थाने खायो नहीं कालो सांप,
ओ बीरा रामदेव रे,
बाई ने एकर लेवण आ,
अळगो बाई रो सांसरो रे,
ओ बीरा रे माता मिलन रो चाह….
सासु जितरे सांस रोड़े रे,
बीरा माता जितरे पीर,
जद रे भोजाया घर आवसी रे,
मारो मनडो ना माने पीर,
ओ बीरा रामदेव रे,
बाई ने एकर लेवण आ,
अळगो बाई रो सांसरो रे,
ओ बीरा रे माता मिलन रो चाह…..
एकर तो बीरा माने ने बता दो,
पिहरिया रा रुख,
ना जाणु कद होवसी रे,
बीरा रूणिचा में रुख,
ओ बीरा रामदेव रे,
बाई ने एकर लेवण आ,
अळगो बाई रो सांसरो रे,
ओ बीरा रे माता मिलन रो चाह….
ओलु सुगना बेन री रे,
बीरा कथ गावै पन्ना लाल,
अब मत बिलखे सुगना बेनड़ी,
थाने रत्नो लेवन आव,
ओ बीरा रामदेव रे,
बाई ने एकर लेवण आ,
अळगो बाई रो सांसरो रे,
ओ बीरा रे माता मिलन रो चाह…..
बीरा म्हारा रामदेव रे !! Bira Mara Ramdev !! Bhagwat Suthar !! सुगणा बाई का वीरह भजन
