खम्मा खम्मा ओ म्हारा रुणिचे रा धनिया भजन लिरिक्स (Khamma Khamma O Mhara Runiche Ra Dhaniya Lyrics)
खम्मा खम्मा हो रामा,
रूणीचे रा धणियाँ ।
थाने तो ध्यावे आखो मारवाड़ हो,
आखो गुजरात हो ।
अजमाल जी रा कँवरा ॥
भादूड़े री दूज ने,
चमक्यो निशि तारो ।
पालणिया में झूलण आयो,
आयो पालण हारो ।
द्वारका रा नाथ झूले पालणिये ।
हो रामा ! द्वारका रा नाथ झूले पालणिये,
अजमाल जी रा कँवरा ॥
खम्मा खम्मा हो…….।।
बड़ा है वीरम देवे,
छोटा रामदेव जी ।
धोरां री धरती में आया,
आया रामापीर जी ।
कुंकु रा पगल्या मांड्या आँगणिये ।
हो रामा ! कुंकु रा पगल्यां मांड्या ऑगणिये,
अजमाल जी रा कँवरा ॥
खम्मा खम्मा हो…….।।
सिर पे किलंगी तुर्रा,
केसरिया है जामो ।
भगतां री भीड़ आवे,
धोळो पीर रामो ।
भगतां रों मान बढावणियाँ ।
हो रामा ! भगतां रो मान बढावणियाँ,
अजमाल जी रा कँवरा
खम्मा खम्मा हो…….।।
माता है मेणां दे ज्यांरा,
पिता अजमाल जी ।
सुगणा रो बीर राणी,
नेतल रो भरतार जी ।
जगमग जोत जगावणियाँ ।
हो रामा ! जगमग जोत जगावणियाँ,
अजमाल जी कँवरा
खम्मा खम्मा हो…….।।
डाली बाई बाबा थारा,
पगलिया पखार सी।
लाचा और सुगना बाई,
करे हर री आरती।
हरिजी भाटी रे मन भावनियाँ ।
हो रामा ! हरिजी भाटी रे मन भावनियाँ,
अजमाल जी कँवरा
खम्मा खम्मा हो…….।।
खम्मा खम्मा हो म्हारा रुणिचे रा | Prakash Mali बाबा रामदेवजी भजन | Popular Marwadi Bhajan
⇨Song : Khamma Khamma Ho Mhara Runiche Ra⇨Album : Khamma Khamma
⇨Singer : Prakash Mali, Mahendra Singh
⇨Lyrics : Kailash Lakhawat
⇨Music : Sharma Brothers
⇨Lyrics : Traditional
⇨Music Lable : Shri Krishna Cassettes
⇨Category : Devotional
⇨Sub Category : Baba Ramdev Ji
⇨Producer : Tarun Hassani