श्री दुर्गा अष्टकम स्तोत्रम लिरिक्स (Shri Durga Ashtakam Stotram Lyrics)

श्री दुर्गा अष्टकम स्तोत्रम लिरिक्स

श्री दुर्गा अष्टकम स्तोत्रम लिरिक्स (Shri Durga Ashtakam Stotram Lyrics)

कात्यायनि महामाये खड्गबाणधनुर्धरे ।

खड्गधारिणि चण्डि श्री दुर्गादेवि नमोऽस्तु ते ॥ 1 ॥

वसुदेवसुते काळि वासुदेवसहोदरि।

वसुन्धरश्रिये नन्दे दुर्गादेवि नमोऽस्तु ते॥ 2 ॥

योगनिद्रे महानिद्रे योगमाये महेश्वरि।

योगसिद्धिकरी शुद्धे दुर्गादेवि नमोऽस्तु ते ॥ 3॥

शंखचक्रगदापाणे शार्ङ्गज्यायतबाहवे।

पीतांबरधरे धन्ये दुर्गादेवि नमोऽस्तु ते॥ 4 ॥

ऋग्यजुस्सामाथर्वाणश्चतुस्सामन्तलोकिनि।

ब्रह्मस्वरूपिणि ब्राह्मि दुर्गादेवि नमोऽस्तु ते॥ 5 ॥

वृष्णीनां कुलसंभूते विष्णुनाथसहोदरि।

वृष्णिरूपधरे धन्ये दुर्गादेवि नमोऽस्तु ते॥ 6 ॥

सर्वज्ञे सर्वगे शर्वे सर्वेशे सर्वसाक्षिणि।

सर्वामृतजटाभारे दुर्गादेवि नमोऽस्तु ते॥ 7 ॥

अष्टबाहु महासत्त्वे अष्टमी नवमि प्रिये।

अट्टहासप्रिये भद्रे दुर्गादेवि नमोऽस्तु ते ॥ 8 ॥

दुर्गाष्टकमिदं पुण्यं भक्तितो यः पठेन्नरः।

सर्वकाममवाप्नोति दुर्गालोकं स गच्छति ॥ 9 ॥

Shri Durga Ashtakam Stotram | Lyrical | Navratri Mantra by Shivanjali Sharma