.jpeg "भगता रो हेलो सुण ने आवजो (Bhagta Ro Hello Sun Ne Aavjo Lyrics)") |
| भगता रो हेलो सुण ने आवजो |
भगता रो हेलो सुनने आवजो म्हारी करणी माता भजन लिरिक्स -
भगता रो हेलो सुण ने आवजो,
म्हारी करणी माता।
नित उठ जोडू थाने हाथ ओ,
म्हारी करणी माता।
नित उठ जोडू थाने हाथ।
भगता पर छतर छाया राखजो,
करनल कीनियाणी।
राखो भगत वाली लाज,
ओ म्हारी करणी माता।
राखो भगत वाली लाज।
धोरा में बणियो थारो देवरो,
म्हारी करणी माता।
शोभा है अपरम्पार,
ओ म्हारी करणी माता।
शोभा है अपरम्पार।
भगता ने मोटो थारो आसरो,
करनल कीनियाणी।
मोटो है थारोडो आधार,
ओ म्हारी करणी माता।
मोटो है थारोडो आधार।
चारण कुल में अवतारी आप हो,
म्हारी करणी माता।
जाणे है जुग संसार,
ओ म्हारी करणी माता।
जाणे है जुग संसार।
कर में त्रिशूलधारी आप हो,
म्हारी करणी माता।
शोभा है अपरम्पार,
ओ म्हारी करणी माता।
शोभा है अपरम्पार।
ढोल नगारा बाजे नोबता,
करनल कीनियाणी।
झालर री गूंजे झणकार,
ओ म्हारी करणी माता।
झालर री गूंजे झणकार।
काबा हजारु थारे आंगणे,
म्हारी करणी माता।
भगता री लागे है कतार,
करनल कीनियाणी।
भगता री लागे है कतार।
शरणे आया री लज्या राखजो,
म्हारी करणी माता।
कीजो सकळ री स्याय,
ओ म्हारी करणी माता।
कीजो सकळ री स्याय।
विपदा री वेळा वेगी आवजो,
करनल कीनियाणी।
दर्शन दीजो म्हाने आय,
ओ म्हारी करणी माता।
दर्शन दीजो म्हाने आय।
भगत मोइनुदीन आपरो,
म्हारी करणी माता।
आयो है थारे दरबार,
ओ करनल कीनियाणी।
आयो है थारे दरबार।
चरणा री दीजो म्हाने चाकरी,
करनल कीनियाणी।
कर दीजो इतनो उपकार,
ओ म्हारी करणी माता।
कर दीजो इतनो उपकार।