भगवती अष्टकम्: नमोस्तु ते सरस्वति (Bhagwati Ashtakam: Namostute Te Saraswati)

भगवती अष्टकम्: नमोस्तु ते सरस्वति

भगवती अष्टकम्: नमोस्तु ते सरस्वति (Bhagwati Ashtakam: Namostute Te Saraswati)

॥ श्री भगवती अष्टकम् ॥

नमोस्तु ते सरस्वति! त्रिशूलचक्रधारिणि!

सितांबरावृते! शुभे! मृगेन्द्रपीठसंस्थिते! ।

सुवर्णबन्धुराधरे सुझल्लरीशिरोरुहे ।

सुवर्णपद्मभूषिते नमोस्तु ते महेश्वरि! ॥१॥

पितामहादिभिर्नुते स्वकान्तिलुप्तचन्द्रभे

सुरत्नमालयावृते भवाब्धिकष्टहारिणि।

तमालहस्तमण्डिते तमालभालशोभिते

गिरामगोचरे इले नमोस्तु ते महेश्वरि! ॥२॥

स्वभक्तवत्सलेऽनघे सदापवर्गभोगदे

दरिद्रदुःखहारिणि त्रिलोकशंकरीश्वरि |

भवानि भीम अंबिके प्रचण्डतेजसोज्ज्वले

भुजाकलापमण्डिते नमोस्तु ते महेश्वरि! ॥३॥

प्रपन्नभीतिनाशिके! प्रसूनमाल्यकन्धरे

धियस्तमोनिवारिके! विशुद्धबुद्धिकारिके ।

सुरार्चिताङ्घ्रिपंकजे! प्रचण्डविक्रमेऽक्षरे!

विशालपद्मलोचने! नमोस्तु ते महेश्वरि! ॥४॥

ह्तस्त्वया स दैत्यधूम्रलोचनो यदा रणे

तदा प्रसूनवृष्टयस्त्रिविष्टपे सुरैः कृताः ।

निरीक्ष्य तत्र ते प्रभामलज्जतप्रभाकर:

त्वये भयंकरे ध्रुवे नमोस्तु ते महेश्वरि!॥५॥

ननाद केसरी यदा चचाल मेदिनी तदा

जगाम दैत्यनायकः स्वसेनया द्रुतं भिया।

सकोपकंपदच्छदे स चण्डमुण्डघातिके

मृगेन्द्रनादनादिते नमोस्तु ते महेश्वरि! ॥६॥

कुचन्दनार्चितालके सितोष्णवारणाधरे

सबर्करानने वरे! निशुंभशुंभ मर्दिके ।

प्रसीद चण्डिके अजे समस्तदोषघातिके

शुभां मतिप्रदेऽचले नमोस्तु ते महेश्वरि!॥७॥

त्वमेव विश्वधारिणी त्वमेव विश्वकारिणी

त्वमेव सर्वहारिणी न गम्यसेऽजितात्मभिः।

दिवौकसां हिते रता करोषि दैत्यनाशनं

शताक्षि रक्तदन्तिके नमोस्तु ते महेश्वरि!॥८॥

पठन्ति ये समाहिता इमं स्तवं सदा नरा

अनन्यभक्तिसंयुता अहर्मुखेऽनुवासरं ।

भवन्ति ते तु पण्डिताः सुपुत्रधान्यसंयुताः

कलत्रभूतिसंयुता व्रजन्ति चामृतं सुखम् ॥९॥

Shri Bhagawati Ashtakam | Namostute Te Saraswati - Durga Stotram | भगवती अष्टकम्-नमोस्तु ते सरस्वति!

Singer: Amrita Chaturvedi Upadhyay