 |
| पधारो मैया पावणा भजन |
पधारो मैया पावणा भजन (Padharo Maiya Pawana Bhajan Lyrics)
देशाणा री करणी मां पधारो म्हारै आंगणा
म्हारै घर बाईसा रो ब्याव पधारो मैया पावणा
पधारो मैया पावणा मम्माया आओ पावणा
म्हारै आनंद है अणपार पधारो मैया पावणा
चौक पुरावां सा निहारां अंबा बाट म्हे....
देवां पथडै फूल बिछाय पधारो मैया पावणा
म्हारै आनंद है अणपार पधारो मैया पावणा
थाल सजावां ये बधावां गजमोतियां....
कोई गावां गावां मंगलाचार पधारो मैया पावणा
म्हारै घर बाईसा रो ब्याव पधारो मैया पावणा
आसण बिराज्या ओ सगत भेला साथ में..
कोई काला गौरा साथ मेहाई आया पावणा
म्हारा सकल सुधारया काज दयालु आया पावणा
थारी तो लाडकडी नै ओढाज्यो बोरंग चुंदडी....
मैया राखज्यो अमर सुहाग मेहाई आओ पावणा
म्हारै घर बाइसा रो ब्याव
शिव थानै सिंवरै मां महेन्द्र पर मेहर करो..
कोई प्रांजल करै है पुकार पधारो मैया पावणा
थानै ध्यावै है देव रामोतार पधारो मैया पावणा
म्हारै घर बाइसा रो ब्याव.....