पार्वती वल्लभ नीलकंठ अष्टकम (Parvati Vallabh Neelkanth Ashtakam)

पार्वती वल्लभ नीलकंठ अष्टकम

पार्वती वल्लभ नीलकंठ अष्टकम (Parvati Vallabh Neelkanth Ashtakam)

॥ पार्वतीवल्लभनीलकण्ठाष्टकम् ॥

नमो भूतनाथं नमो देवदेवं

नमः कालकालं नमो दिव्यतेजः । (दिव्यतेजम्)

नमः कामभस्मं नमश्शान्तशीलं

भजे पार्वतीवल्लभं नीलकण्ठम् ॥ १॥

सदा तीर्थसिद्धं सदा भक्तरक्षं

सदा शैवपूज्यं सदा शुभ्रभस्मम् ।

सदा ध्यानयुक्तं सदा ज्ञानतल्पं

भजे पार्वतीवल्लभं नीलकण्ठम् ॥ २॥

श्मशाने शयानं महास्थानवासं (श्मशानं भयानं)

शरीरं गजानं सदा चर्मवेष्टम् ।

पिशाचादिनाथं पशूनां प्रतिष्ठं (पिशाचं निशोचं पशूनां)

भजे पार्वतीवल्लभं नीलकण्ठम् ॥ ३॥

फणीनागकण्ठे भुजङ्गाद्यनेकं (फणीनागकण्ठं, भुजङ्गाङ्गभूषं)

गले रुण्डमालं महावीर शूरम् ।

कटिव्याघ्रचर्मं चिताभस्मलेपं

भजे पार्वतीवल्लभं नीलकण्ठम् ॥ ४॥

शिरश्शुद्धगङ्गा शिवावामभागं

बृहद्दीर्घकेशं सदा मां त्रिनेत्रम् । (वियद्दीर्घकेशं, बृहद्दिव्यकेशं सहोमं)

फणीनागकर्णं सदा भालचन्द्रं (बालचन्द्रं)

भजे पार्वतीवल्लभं नीलकण्ठम् ॥ ५॥

करे शूलधारं महाकष्टनाशं

सुरेशं परेशं महेशं जनेशम् । (वरेशं महेशं)

धनेशस्तुतेशं ध्वजेशं गिरीशं (धने चारु ईशं, धनेशस्य मित्रं)

भजे पार्वतीवल्लभं नीलकण्ठम् ॥ ६॥

उदानं सुदासं सुकैलासवासं (उदासं)

धरा निर्धरं संस्थितं ह्यादिदेवम् । (धरानिर्झरे)

अजं हेमकल्पद्रुमं कल्पसेव्यं

भजे पार्वतीवल्लभं नीलकण्ठम् ॥ ७॥

मुनीनां वरेण्यं गुणं रूपवर्णं

द्विजानं पठन्तं शिवं वेदशास्त्रम् । (द्विजा सम्पठन्तं, द्विजैः स्तूयमानं, वेदशात्रैः)

अहो दीनवत्सं कृपालुं शिवं तं (शिवं हि)

भजे पार्वतीवल्लभं नीलकण्ठम् ॥ ८॥

सदा भावनाथं सदा सेव्यमानं

सदा भक्तिदेवं सदा पूज्यमानम् ।

मया तीर्थवासं सदा सेव्यमेकं (महातीर्थवासम्)

भजे पार्वतीवल्लभं नीलकण्ठम् ॥ ९॥

इति पार्वतीवल्लभनीलकण्ठाष्टकं सम्पूर्णम् ।

॥ शुभमस्तु ॥

भजे पार्वतीवल्लभंनीलकण्ठम् । Parvati Vallabh Ashtakam | Bhaje Parvati Vallabham Neelkantham

Singer: Amrita Chaturvedi Upadhyay