विश्वेश्वर नीराजनम्: शिव आरती (Vishveshvar Neerajanam: Shiv Aarti)

विश्वेश्वर नीराजनम्: शिव आरती

विश्वेश्वर नीराजनम्: शिव आरती (Vishveshvar Neerajanam: Shiv Aarti)

विश्वेश्वरनीराजनम्

महादेव महादेव हर हर हर महादेव ।

महादेव महादेव हर हर हर महादेव ।

सत्यं ज्ञानं शुद्धं पूर्णं हृदि भातं

     वन्दे शम्भुं शान्तं मायागुणरहितम् ।

साक्षिरूपं तत्त्वं विद्वद्भिर्गभ्यं

     वेदैर्ज्ञेयं नित्यं गुरुभक्तैर्वेद्यम् ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

देवान् भीतान् दृष्ट्वा यः कृपयाविष्टो

     विषपानमपि कृत्वाऽसितकंठो जातः ।

त्रिपुरं बिभिदे युद्धे दुर्भेद्यं सर्वै:

    तं वन्दे सर्वेशं देवैर्हृदि ध्यातम् ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

विघ्नविनाशनकर्ता भवतां यस्तातः

     पूज्यो निखिलैर्देवैर्दुरितं हरतु नः ।

स्कन्दः पुत्रो बलवान् तारकासुरहन्ता

     स्वमात्रे वरदाता ब्रह्मचर्यं धर्ता ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

दशमुखबाणप्रभृतयो भक्तास्ते जाताः

     नाहं वक्तुं शक्तः परिगणनं कृत्वा ।

देवानामैश्वर्यं स्वाधीनं चक्रुः

     तेषां चित्रं वीर्यं तव कृपया जातम् ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

पूजां कर्तुं विष्णुर्नेत्रं त्वयि समर्प्य

     राज्यं कुरुते जगतां त्रयाणां तव दृष्ट्या ।

यतीनां हृदये स्थित्वा कामं नाशयिता

     गङ्गाधर शिव शङ्कर गिरिजाधीशस्त्वम् ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

संहर्तृ शिवरूपमुग्रं तव ध्यात्वा

     भीता देवाः सर्वे भक्तिं त्वयि चक्रुः ।

दुःखं दृष्ट्वा जगति शरणं त्वां यामो

     देवानामपि देवं महादेवं प्रणुमः ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

त्यक्त्वा धर्मं ब्रह्मा दुहितर्यासक्तः

     दण्डं प्राप्तस्त्वत्तः पन्थानं नीतः ।

विद्योपदेष्टुस्त्वत्तः सनकाद्या भक्ताः

     उपदेशं श‍ृण्वन्ति वैराग्ये सक्ताः ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

प्राणान्ते वै काश्यां मुक्तिं सर्वेभ्यो

     वेदपुराणैः कथितां ददते नित्यं यः ।

सर्वज्ञं तमनादिं स्तौति यो भक्त्या

अर्थं कामं धर्मं मोक्षं लभते सः ॥ महादेव महादेव

महादेव महादेव हर हर हर महादेव ।

महादेव महादेव हर हर हर महादेव ।

Vishveshvar Neerajanam| विश्वेश्वरनीराजनम् | Mahadev Mahadev Har Har Har Mahadev| Shiv Aarti Lyrical

Singer: Amrita Chaturvedi Upadhyay

Lyrics: Traditional

Music: Rohit Kumar (Bobby)

Flute: Pt. Ajay Shankar Prasanna