मंदिर बणसी मेरो जोर को जी भजन लिरिक्स (Mandir Bansi Mero Jorko Ji Bhajan Lyrics)
राणीसती राणा ने कह रही जी
लेज्या राणा भस्मी और घोड़ी तेरे साथ
मंदिर बणसी मेरो जोर को जी
दिन छिपणा से पहल्यां ना रुकीजै
सही ठीकाणे रुक ज्यावेगी घोड़ी अपने आप..
मंदिर बणसी मेरो जोर को जी
दुनिया सारी थानै रोकसी जी
पण तू निर्भय रहजे राणा मैं हूं तेरे साथ..
मंदिर बणसी मेरो जोर को जी
कोई भी मूरति मेरी ना बणा ज्यो
करसूं में त्रिशूल में बैठी सबकी नैया पार..
मंदिर बणसी मेरो जोर को जी
भादी मावस को मेळो लागसी जी
जात जड़ूला करबा आसी लाखां ही नर नार..
मंदिर बणसी मेरो जोर को जी
चुनड़ी उढ़ा कर झोळी जो मांडसी जी
करस्यूँ मंगल अम्बरीष कोनी भेजूं खाली हाथ..
मंदिर बणसी मेरो जोर को जी
रानी सती दादी भजन लिरिक्स -
राणीसती राणा ने कह रही जी लेज्या राणा भस्मी और घोड़ी तेरे साथ मंदिर बणसी मेरो जोर को जी
